ÍTF eru hagsmunasamtök þeirra félaga sem reka lið í efstu deildum karla og kvenna í knattspyrnu og hafa þau að markmiði eftirfarandi:
Að skapa félögunum sem best rekstrarskilyrði og stuðla að vexti og framgangi íslenskrar knattspyrnu. Forsenda þess er að metnaður verði lagður í að styrkja og bæta deildakeppni í knattspyrnu á Íslandi.
- Að verða viðurkennd af Knattspyrnusambandi Íslands og alþjóðasamtökum sem sá aðili sem kemur fram fyrir og ver hagsmuni knattspyrnufélaga á Íslandi.
Að taka þátt í ákvörðunartöku er varða mótahald efstu deilda karla og kvenna í knattspyrnu
Að hagnýta réttindi, svo sem sjónvarpsréttindi, markaðsréttindi, nafnaréttindi deilda, sölu
auglýsinga og markaðsetningu fyrir þær deildir sem eiga aðild að ÍTF og ráðstafa þeim réttindum.Að miðla þekkingu til aðildarfélaga sinna.
Að stuðla að samvinnu ÍTF og KSÍ að öllum málum er snúa að félögunum og hagsmunum þeirra.
Að verja hagsmuni aðildarfélaga varðandi notkun annarra aðila á nafni, merki og öðrum réttindum félaganna.
ÍTF skal vinna að þessum markmiðum í samvinnu við Knattspyrnusamband Íslands, alþjóðleg knattspyrnusambönd, erlend samtök knattspyrnuliða og önnur knattspyrnufélög í landinu.
Það rúmast innan þessara markmiða og tilgangs að ÍTF stofni rekstrarfélög, eftir atvikum í samstarfi við aðra, um tiltekna þætti.
Fjárhagslegur ávinningur af starfi samtakanna skal skila sér til aðildarfélag ÍTF á hverju rekstrarári eins og frekast er kostur.
